ਅਮਰੀਕਾ ’ਚੋਂ ਭਾਰਤੀ ਵਿਦਿਆਰਥਣ ਨੂੰ ਵਤਨ ਭੇਜਣ ਦੀ ਤਿਆਰੀ

ਸ਼ਿਕਾਗੋ, 6 ਅਗਸਤ (ਹਮਦਰਦ ਨਿਊਜ਼ ਸਰਵਿਸ) : ਅਮਰੀਕਾ ਦੇ ਸ਼ਿਕਾਗੋ ਵਿੱਚ ਭੁੱਖਮਰੀ ਦੀ ਹਾਲਤ ਵਿੱਚ ਮਿਲੀ ਹੈਦਰਾਬਾਦ ਦੀ ਵਿਦਿਆਰਥਣ ਹੁਣ ਬਿਲਕੁਠ ਠੀਕ ਹੈ। ਹੁਣ ਉਸ ਨੂੰ ਭਾਰਤ ਭੇਜਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਸਿਰਫ਼ ਉਸ ਦੇ ਹਾਮੀ ਭਰਨ ਦੀ ਲੋੜ ਹੈ। ਜੇਕਰ ਉਹ ਵਤਨ ਵਾਪਸੀ ਲਈ ਹਾਂ ਕਰ ਦਿੰਦੀ ਹੈ ਤਾਂ ਉਸ ਨੂੰ ਭਾਰਤ ਭੇਜ ਦਿੱਤਾ ਜਾਵੇਗਾ।
ਅਮਰੀਕਾ ਵਿੱਚ ਭਾਰਤੀ ਕੌਂਸਲੇਟ ਜਨਰਲ ਨੇ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਭਾਰਤੀ ਵਿਦਿਆਰਥਣ ਸਈਦਾ ਜ਼ੈਦੀ ਹੁਣ ਠੀਕ-ਠਾਕ ਹੈ। ਉਸ ਨੇ ਭਾਰਤ ਵਿੱਚ ਆਪਣੀ ਮਾਂ ਨਾਲ ਵੀ ਗੱਲ ਕੀਤੀ ਹੈ। ਦੂਤਾਵਾਸ ਨੇ ਅੱਗੇ ਕਿਹਾ ਕਿ ਉਹ ਇਸ ਵਿਦਿਆਰਥਣ ਦੀ ਹਰ ਸੰਭਵ ਮਦਦ ਕਰਨ ਲਈ ਤਿਆਰ ਹਨ। ਫਿਲਹਾਲ ਉਨ੍ਹਾਂ ਨੇ ਇਸ ਵਿਦਿਆਰਥਣ ਨੂੰ ਡਾਕਟਰੀ ਸਹਾਇਤਾ ਮੁਹੱਈਆ ਕਰਾਉਣ ਅਤੇ ਭਾਰਤ ਵਾਪਸ ਜਾਣ ’ਚ ਮਦਦ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ, ਪਰ ਸਈਦਾ ਜ਼ੈਦੀ ਨੇ ਹੁਣ ਤੱਕ ਭਾਰਤ ਪਰਤਣ ਲਈ ਹਾਮੀ ਨਹੀਂ ਭਰੀ ਹੈ।